Sunnlenskar konur sýndu samstöðu

Sunnlenskar konur komu saman í Sigtúnsgarði á Selfossi í dag á samstöðufund vegna kvennafrídagsins undir kjörorðinu „Breytum ekki konum, breytum samfélaginu“.

Guðný Lára Gunnarsdóttir las upp sameiginlega yfirlýsingu Kvennafrís 2018. Auður I, Ottesen flutti ávarp sem fulltrúi kvenna sem tóku þátt í kvennafrídeginum 1975 og Sigríður Helga Steingrímsdóttir flutti ávarp sem fulltrúi ungra kvenna. 

Að lokum var blásið til fjöldasöngs þar sem baráttulag dagsins, „Áfram stelpur“ var sungið undir stjórn Berglindar Magnúsdóttur. Skipuleggjendur viðburðarins voru mjög ánægðir með mætinguna í Sigtúnsgarð og stemminguna þar.