Innlent

Myndir ársins á Vísi

Stefán Ó. Jónsson skrifar
Myndir segja meira en þúsund orð.
Myndir segja meira en þúsund orð. Vísir
Þegar fréttamenn eiga erfitt með að koma stórtíðindum í orð er gott að eiga góðan ljósmyndara. Myndir segja nefnilega meira en þúsund orð og er glæsileg fréttamynd ómissandi hluti af góðum fréttaflutningi.

Vísir hefur því tekið saman margar af bestu fréttamyndunum sem ljósmyndarar okkur fönguðu á liðnu ári. Þær eru fjölbreyttar, fallegar en umfram allt - fréttnæmar.  

Árið 2018 í gegnum myndavélalinsuna - Gjöriði svo vel.

Vísir/Vilhelm
Framtíð landsins fylgist með ríkisstjórninni kynna aðgerðaráætlun í loftslagsmálum í Austurbæjarskóla. Vísir/Vilhelm
Vísir/Vilhelm
Þingmaðurinn Áslaug Arna Sigurbjörnsdóttir lét ekki fjölmiðlafárið í kringum Klaustursmálið á sig fá og mætti ákveðin til vinnu í lok nóvember.Vísir/Vilhelm
Vísir/Vilhelm
Forsetahjónin glottu í laumpi í kampinn þegar Margrét Þórhildur Danadrottning fagnaði með þeim 100 ára fullveldisafmæli Íslendinga þann 1. desember í Hörpu.Vísir/Vilhelm
Vísir/Vilhelm
Eldur kom upp í iðnaðarhúsnæði í Hafnarfirði um miðjan nóvember. Slökkviliðsmenn sjást hér bera saman bækur sínar til að fá úr því skorið hvernig best væri að ráðast til atlöguVísir/Vilhelm
Vísir/Vilhelm
Annar stórbruni varð í húsnæði Geymslna í byrjun aprílmánaðar. Tjónið var mikið og eldhafið gríðarlegt, slökkviliðsmennirnir voru sem krækiber í helvíti.Vísir/Vilhelm
Vísir/Vilhelm
Heimspekingurinn og handboltagoðsögnin Ólafur Stefánsson kætti íbúa Hrafnistu - og landsmenn alla - með leikrænum tilburðum sínum. Uppákoman var hluti af Iceland Airways hátíðinni í haust en ekki fylgir sögunni hvort Ólafur hafi náð að landa öðru giggi á hátíð næsta árs.Vísir/Vilhelm
Vísir/Vilhelm
Sunna Elvira Þorkelsdóttir féll fram af svölum í upphafi árs, með þeim afleiðingum að hún lamaðist. Hún útskrifaðist af legudeildinni á Grensás í sumar og sagðist ekki hafa geta gert sér í hugarlund að hún gæti komist á svo góðan stað.Vísir/Egill
Vísir/Vilhelm
Ljósmæður tóku upp á ýmsu til að vekja athygli á kjarabaráttu sinni í ár. Ekki skal þó fullyrt í þeim efnum hvort bleiki dúkurinn, sem ljósmæður strengdu við innganginn að húsakynnum Ríkissáttasemjara, hafi skipt sköpum.Vísir/Rakel
Vísir/Vilhelm
Svellkaldir vísindamenn flugu yfir Skaftárjökul í ágúst eftir að örla fór á hlaupi í Skaftá. Þegar yfir jökulinn var komið mátti sjá að íshellan hafði lækkað um tugi metra. Vísir/Sigurjón
Vísir/Vilhelm
Heiðveig María Einarsdóttir sigldi ekki í lygnan sjó í formannsbaráttu sinni í Sjómannafélaginu. Vísir/Vilhelm
Vísir/Vilhelm
Katrín Jakobsdóttir, forsætisráðherra, virðist hér segja þingheimi að efinn sé fólginn í því að vera eða ekki vera.Vísir/Vilhelm
Vísir/Vilhelm
Hreiðari Má Sigurðssyni, fyrrverandi forstjóra Kaupþings, var ekki gerð refsing í síðasta hrunmálinu sem rekið var fyrir dómstólum - rúmum áratug eftir fall íslensku bankanna. Vísir/Vilhelm
Vísir/Vilhelm
Það kenndi ýmissa grasa í braggamálinu svokallaða, sem setti svip á fréttaárið. Áhugaverðustu grösin voru þó án efa þau dönsku, enda sérinnflutt og vældig smuk.Vísir/Vilhelm
Vísir/Vilhelm
Jón Magnússon, Hilmar Leifsson og Kristín Anna Tryggvadóttir kættust þegar Hæstaréttur kvað upp sýknudóm sinn í endurupptöku Guðmundar- og Geirfinnsmálanna. Vísir/Daníel Þór
Vísir/Vilhelm
Karítas Mörtudóttir Bjarkadóttir flutti þrjú ljóð af innlifun á Kvennafrídaginn. Þúsundir kvenna hlýddu á.Vísir/Vilhelm
Vísir/Vilhelm
Flugfélagið WOW air lækkaði flugið í ár eftir hraðan vöxt á undanförnum árum. Skúli Mogensen, stofnandi WOW, var þó í þann mund að lyfta sér upp þegar ljósmyndara bar að garð í höfuðstöðvum flugfélagsins.Vísir/Vilhelm
Vísir/Vilhelm
Þegar sagnfræðingar framtíðarinnar munu skrifa um hið svokallaða Klaustursmál, sem tröllreið öllu í lok nóvember, munu þeir ekki rekast á neina munka eða nunnur. Aðeins bar í miðborg Reykjavíkur, sex þingmenn og gamlan síma.Vísir/Vilhelm
Vísir/Vilhelm
Talandi um Klaustursmálið: Miðflokksfólkið Sigmundur Davíð Gunnlaugsson og Anna Kolbrún Árnadóttir mætti mótvindi, í fleiri en einum skilningi, við komuna á Bessastaði þar sem fullveldisafmælinu var fagnað. Vísir/Vilhelm
Vísir/Vilhelm
Forsætisráðherra hafði sig alla við þegar hún blés á kertið sem skreytti afmælisköku ríkisstjórnar. Hún fagnaði því í lok nóvember að hafa ekki sprungið í heilt ár.Vísir/Vilhelm
Vísir/Vilhelm
Meira af blæstri: Hópurinn sem safnaðist saman við Stjórnarráðið þann 1. desember lét ekki smá hvassviðri á sig fá. Hvað gerir maður ekki til að berja Danadrottningu augum?Vísir/Vilhelm
Vísir/Vilhelm
Þessi spaki hnúfubakur gæddi sér á sjávarfangi í Sundahöfn.Vísir/Vilhelm
Vísir/Vilhelm
Þrátt fyrir að hægst hafi á hjólum efnahagslífsins í ár héldu Íslendingar áfram að flytja inn nýja bíla - eins og geymslusvæði Eimskips bar með sér.Vísir/Vilhelm
Vísir/Vilhelm
Skiltakarlarnir þrifu dómsmálaráðuneytið hátt og lágt í upphafi janúar. Það var þó ekki kám eða klessur sem þeir vildu fjarlægja, heldur spillinguna sem þeir segja að grasseri í ráðuneytinu.Vísir/Vilhelm
Vísir/Vilhelm
Jóhannes Þór Skúlason, sem nú er framkvæmdastjóri Samtaka ferðaþjónustunnar, heldur hér á ljósmynd af fyrrverandi yfirmanni sínum. Hann leggur það þó alla jafna ekki í vana sinn heldur var ætlunin að koma myndinni fyrir í nýjum höfuðstöðvum Miðflokksins.Vísir/Vilhelm
Vísir/Vilhelm
Mikið var karpað um húsnæðisuppbyggingu í borginni á liðnu ári. Þessir byggingakranar létu það rifrildi þó ekki á sig fá.Vísir/Vilhelm
Vísir/Vilhelm
Veðrið var með mestu ólíkindum á höfuðborgarsvæðinu í ár. Sumarveður í desember, haustveður í sumar, vorveður í haust og svo framvegis og svo framvegis. Árið hófst þó á miklu vatnsveðri sem gerði ökumönnum í Kópavogi blautan óleik.Vísir/Vilhelm
Vísir/Vilhelm
Betur fór en á horfðist þegar flutningaskipið Fjordvik strandaði í Helguvík í byrjun nóvember. Vísir/Jóhann K.
Vísir/Vilhelm
Það voru ekki bara flutningaskip sem strönduðu við Íslandsstrendur í ár. Það gerðu jafnframt tvær andanefjur sem syntu á landi í Engey í ágúst. Björgunarfólki tókst aðeins að bjarga annarri þeirra.Vísir/Friðrik Þór
Vísir/Vilhelm
Hlemmur hefur gengið í gegnum endurnýjun lífdaga og hýsir nú mathöll. Glæsilegur, jafnt úr lofti og úr glugga strætisvagns.Vísir/Vilhelm
Vísir/Vilhelm
Einhvern veginn tókst nýjum borgarstjórnarmeirihluta, sem tók við stjórnartaumunum í Reykjavík í vor, að troða sér allur í eina lyftu. Þétting byggðar upp á tíu. Vísir/Vilhelm
Vísir/Vilhelm
Ískalt handaband þeirra Gunnars Braga Sveinssonar, Miðflokksmanns, og Ingu Sæland, formanns Flokks fólksins, vakti athygli - rétt eins og öll önnur augnablik sem tengdust Klaustursmálinu.Vísir/Vilhelm
Vísir/Vilhelm
Mál Thomasar Møller Olsen var tekið fyrir í Landsrétti í haust, einu og hálfu ári eftir að Thomas myrti Birnu Brjánsdóttur. Ljósmyndarar náðu við það tækifæri fyrstu myndunum þar sem sést framan í Thomas, en fram að því hafði hann ætíð hulið andlit sitt.Vísir/Vilhelm
Vísir/Vilhelm
Freyja Haralsdóttir og Bára Halldórsdóttir léku báðar hlutverk í einu stærsta fréttamáli ársins. Klaustursþingmennirnir sex úthúðuðu Freyju - sem Bára fangaði á afdrífaríkri hljóðupptöku. Hér má sjá þær báðar í Héraðsdómi Reykjavíkur eftir að þingmennirnir höfðu sótt þá síðarnefndu til saka.Vísir/Vilhelm
Vísir/Vilhelm
Grindhvalavaða álpaðist fyrir slysni inn í Kolgrafafjörð. Þar varð hún innlyksa og þurfti samhæfðar aðgerðir til að vísa henni aftur til síns heima. Úr varð mikið sjónarspil.Vísir/Vilhelm
Vísir/Vilhelm
Tvennt fórst þegar einbýlishús brann til grunna á Selfossi. Fljótt kviknaði grunur um íkveikju og voru tveir einstaklingar úrskurðaðir í gæsluvarðhald.Vísir/Egill
Fréttir ársins 2018

Mest lesið


Fleiri fréttir

Sjá meira


×

Mest lesið