ÍR-ingar skipta um Bandaríkjamann

Körfuknattleiksdeild ÍR hefur tekið ákvörðun um að senda Justin Martin heim og í stað hans mun Kevin Capers leika með Breiðhyltingum í Dominos-deildinni í körfubolta á nýju ári.

Karfan.is greinir frá þessu.

Capers er 25 ára gamall Bandaríkjamaður, 188 sentimetrar á hæð og leikur í stöðu bakvarðar. Hann lék í Rúmeníu á síðustu leiktíð en útskrifaðist úr Florida Southern í heimalandinu 2015.

ÍR mætir Stjörnunni í Dominos deildinni á morgun en ÍR-ingar sitja í 8.sæti deildarinnar með átta stig.