For­sætis­ráð­herra Litháen sækist eftir for­seta­em­bættinu

Saulius Skvernelis, forsætisráðherra Litháens, hefur greint frá því að hann muni sækjast eftir forsetaembættinu í landinu. Forsetakosningar eru fyrirhugaðar í landinu í maí.

Skvernelis segist þó ekki hafa neinar fyrirætlanir um að hætta í sínu núverandi starfi, verði hann ekki kjörinn forseti.

Í Lítháen ríkir forsetaþingræði þar sem völd skiptast milli forseta og þings.

Forsetinn hefur meðal annars mikil völd á sviði utanríkismála, auk þess að hann tilnefnir dómara, seðlabankastjóra og getur beitt neitunarvaldi gegn lögum sem samþykkt eru á þinginu.

Hinn 48 ára Saulius Skvernelis hefur gegnt embætti forsætisráðherra frá árinu 2016.