Gylfi vill verða ráðuneytisstjóri

Níu hafa sótt um stöðu embættis ráðuneytisstjóra í heilbrigðisráðuneytinu en umsóknarfrestur rann út í gær. Heilbrigðisráðherra mun skipa í stöðuna til fimm ára að undangengnu mati lögskipaðrar hæfnisnefndar á umsækjendum.

Umsækjendur um embættið eru eftirtaldir:

• Ásta Valdimarsdóttir, framkvæmdastjóri
• Guðlaug Rakel Guðjónsdóttir, framkvæmdastjóri
• Guðrún Gísladóttir, skrifstofustjóri
• Gylfi Arnbjörnsson, hagfræðingur
• Hanna Lára Steinsson, félagsráðgjafi
• Ingunn Björnsdóttir, dósent
• Kristlaug Helga Jónasdóttir, hjúkrunarfræðingur og verkefnastjóri
• Lárus Bjarnason, sýslumaður
• Sigurður Helgi Helgason, skrifstofustjóri

Í hæfnisnefndinni eiga sæti Guðríður Þorsteinsdóttir, hrl., formaður, Ásta Bjarnadóttir, mannauðsstjóri Landspítala og Sigurður Skúli Bergsson, tollstjóri. Starfsmaður nefndarinnar er Sigríður Jakobínudóttir.