Sport

Tebow trúlofaður Miss Universe 2017

Henry Birgir Gunnarsson skrifar
Tebow í hinni frægu Tebowing-stellingu er hann spilaði með Denver Broncos.
Tebow í hinni frægu Tebowing-stellingu er hann spilaði með Denver Broncos. vísir/getty
Guðsmaðurinn og íþróttastjarnan vinsæla, Tim Tebow, er á leið í hnapphelduna en hann hefur nú trúlofast unnustu sinni, Demi-Leigh Nel-Peters.

Hinn 31 árs gamli Tebow tilkynnti um trúlofunina á Instagram þar sem hann sést fara niður á hnéð og biðja NelPeters.





Nel-Peters er 23 ára og kemur frá Suður-Afríku. Hún vann Miss Universe fegurðarsamkeppnina árið 2017.

Tebow sló ungur í gegn í bandarísku íþróttalífi er hann var leikstjórnandi í ruðningsliði Florida-háskólans. Þar vann hann hin eftirsóttu Heisman-verðlaun sem besti leikmaður háskólaboltans fær.

Hann varð svo heimsfrægur er hann sló í gegn sem leikstjórnandi Denver Broncos. Ferill hans fór svo fljótt niður á við en aðallega þar sem hann fékk ekki nein alvöru tækifæri.

Í dag spilar hann hafnabolta fyrir neðrideildarlið New York Mets og dreymir um að komast í MLB-deildina. Hann hefur staðið sig ágætlega í hafnaboltanum.

Aðrar íþróttir Miss Universe Iceland

Tengdar fréttir

Þegar Tebow hitti Jesús

Hinn heittrúaði Tim Tebow mátti sætta sig við tap í gær þegar Tom Brady kom í heimsókn á Mile High í Denver.

Tebowing hefur tekið við af plankinu

Vinsældir leikstjórnandans og trúboðans Tim Tebow ná út um allan heim. Það heitasta í heiminum núna er svokallað "Tebowing" og má segja að það sé búið að leysa plankið af hólmi.

Tebow-reglan

Á síðasta ári settu yfirmenn háskólaíþróttanna nýja reglu í lagasafn sitt. Hún er aldrei kölluð annað en "Tebow-reglan“ enda sett á út af Tim Tebow.

Ótrúlegar trúartengdar tilviljanir

Uppgangur trúboðans og leikstjórnandans Tim Tebow hjá Denver Broncos er lyginni líkastur. Tebow framkvæmdi enn eitt kraftaverkið um helgina og er enginn skortur á trúartengdum tilviljunum eftir þennan ótrúlega leik hjá manninum sem byrjað er að kalla Messías.

Tebow heldur áfram að gera kraftaverk - Giants með mikilvægan sigur

Kraftaverkamaðurinn Tim Tebow, leikstjórnandi Denver Broncos, heldur áfram að troða upp í gagnrýnendur. Í gær vann Tebow enn og aftur í framlengdum leik en þetta var þriðja sigur Tebow og félaga í framlengingu í vetur. Það er met í NFL-deildinni á einu tímabili.

Messías lentur í Klettafjöllunum

NFL-leikstjórnandinn Tim Tebow er mjög óvænt orðinn ein stærsta stjarnan í bandarísku íþróttalífi. Þessi strangtrúaði drengur hefur þaggað niður í nær öllum sérfræðingum. Þeim finnst flestum að hann geti ekki neitt. Þrátt fyrir það framkallar Tebow kraftaverk í nær hverjum leik og getur ekki hætt að vinna.

Tebow setti met á Twitter | Ótrúlegt sjónvarpsáhorf

Aðdráttarafl leikstjórnanda Denver Broncos, Tim Tebow, er með hreinum ólíkindum en uppgangur þessa unga drengs hefur verið lygilegur. Rúmlega 42 milljónir fylgdust með leik Broncos og Pittsburgh Steelers í Bandaríkjunum um helgina sem er stórkostlegt áhorf.

Mest lesið


Fleiri fréttir

Sjá meira


×

Mest lesið