Tónlistarmaðurinn James Ingram látinn

Tónlistarmaðurinn James Ingram er látinn 66 ára að aldri eftir baráttu við krabbamein. Greint er frá andláti Ingram á vef TMZ.

Ingram naut mikilla vinsælda á níunda áratug síðustu aldar með lögum á borð við Somewhere Out There og 100 Ways. Dúett hans og Patti Austin, Baby Come to Me, náði jafnframt efsta sæti á vinsældarlistum á sínum tíma.

Ingram vann tvenn Grammy-verðlaun á ferlinum og hlaut tólf tilnefningar til viðbótar. Þá var hann einn höfunda lagsins P.Y.T. með Michael Jackson.

I have lost my dearest friend and creative partner James Ingram to the Celestial Choir. He will always be cherished, loved and remembered for his genius, his love of family and his humanity. I am blessed to have been so close. We will forever speak his name. pic.twitter.com/TDJfpbbJWa

— Debbie Allen (@msdebbieallen) January 29, 2019

Debbie Allen, leikkona og danshöfundur, minntist Ingram á Twitter í dag. Hann lætur eftir sig eiginkonu.