Fyrsti vinningur gekk ekki út

Fyrsti vinningur gekk ekki út í útdrætti kvöldsins í Víkingalottói. Potturinn var kominn upp í tæpa 1,2 milljarð króna.

Vinningstölur kvöldsins voru 12, 15, 17, 37, 44 og 46 og var Víkingatalan 8.

Enginn miðahafi náði heldur að landa öðrum (sex aðaltölur réttar) eða þriðja (fimm af sex aðaltölum) vinningi í útdrætti kvöldsins.

Enginn var heldur með fimm tölur réttar í Jókernum, en einn var með fjórar tölur réttar í réttri röð. Sá miði var seldur á Olís-stöðinni í Stykkishólmi og fær sá 100 þúsund krónur.