Chelsea og Malmö ákærð fyrir hegðun stuðningsmanna

Chelsea og Malmö hafa bæði verið ákærð af UEFA fyrir óærðir stuðningsmanna á leik liðanna í Evrópudeildinni í gærkvöldi.

Félögin eru ákærð fyrir að stuðningsmennirnir hafi kastað hlutum ásamt því að nokkrir stuðningsmenn réðust inn á völlinn.

Chelsea vann leikinn í Malmö í gærkvöld 2-1. Liðin mætast öðru sinni í 32-liða úrslitum Evrópudeildarinnar í næstu viku.

Málið verður tekið fyrir af aganefnd UEFA í lok mars. Chelsea er nú þegar í vandræðum hjá UEFA því annað mál gegn félaginu verður tekið fyrir í lok febrúar. Þar eru stuðningsmenn félagsins ásakaðir um kynþáttaníð gegn leikmönnum ungverska liðsins Vidi.