Valencia kláraði Celtic

Tíu menn Celtic náðu ekki að vinna upp tveggja marka forystu Valencia og eru úr leik í Evrópudeildinni. Salzburg og Napólí fóru örugglega áfram.

Valencia var með 2-0 forystu í einvígi sínu við Celtic eftir fyrri leik liðanna í Glasgow fyrir viku.

Verkefni Celtic varð ennþá erfiðara eftir um hálftíma leik þegar Jeremy Toljan fékk sitt annað gula spjald og var rekinn af velli.

Heimamenn nýttu sér liðsmuninn þó ekkert að ráði og létu eitt mark duga, Kevin Gameiro skoraði eina mark leiksins á 70. mínútu. Valencia vann því einvígið samtals 3-0.

Úrslit fyrri leikja kvöldsins:

Arsenal - BATE Borisov 3-0 (3-1)

Valencia - Celtic 1-0 (3-0)

Dinamo Zagreb - Viktoria Plzen 3-0 (4-2)

Frankfurt - Shakhtar Donetsk 4-1 (6-3)

Salzburg - Club Brugge 4-0 (5-2)

Napólí - Zurich 2-0 (5-1)

Villarreal - Sporting 1-1 (2-1)

Zenit - Fenerbahce 3-1 (3-2)