Sjáðu mörkin sem niðurlægðu Real í Madríd

Real Madrid er úr leik í Meistaradeild Evrópu í fótbolta eftir ótrúlegt 4-1 tap fyrir Ajax á heimavelli í gærkvöldi en Real vann fyrri leikinn, 2-1, í Amsterdam.

Þetta er stærsta tap Real frá upphafi í Meistaradeildinni og er nú allt á öðrum endanum í Madríd þar sem kallað er eftir höfði þjálfarans, forsetans og nokkurra leikmanna.

Ajax spilaði nánast fullkominn leik í gær og fór Serbinn Dusan Tadic gjörsamlega á kostum en mörkin úr leiknum má sjá hér að neðan.

Einnig má sjá markið sem Harry Kane skoraði fyrir Tottenham í Dortmund en Spurs vann einvígið samanlagt, 4-0.

Real Madrid - Ajax 1-4 Dortmund - Tottenham 0-1