Opnum fundi með Má frestað vegna stöðunnar í stjórn­málum

Opnum fundi stjórnskipunar- og eftirlitsnefndar með Má Guðmundssyni, seðlabankastjóra, vegna Samherjamálsins hefur verið frestað að beiðni nokkurra nefndarmanna vegna stöðunnar sem uppi er í stjórnmálum.

Fundurinn átti að hefjast klukkan 14 í dag en eins og kunnugt er mun nýr dómsmálaráðherra taka við embætti á ríkisráðsfundi klukkan 16 eftir að Sigríður Á. Andersen sagði af sér sem ráðherra í gær vegna dóms Mannréttindadómstóls Evrópu í Landsréttarmálinu.

Ekki kemur fram á vef Alþingis hvenær boðað verður til nýs fundar með seðlabankastjóra.