Leggja tillögurnar fyrir samninganefnd SGS

Nú stendur yfir fundur samninganefndar Starfsgreinasambandsins og aðgerðahóps félagsins er varðar mögulegar verkfallsaðgerðir SGS.

Aðgerðahópur SGS vann að því alla síðustu viku að leggja drög að verkfallsaðgerðum sem nær til um 20.000 félagsmanna sem staðsettir eru víða um land. Á fundinum sem nú stendur yfir kynnir aðgerðahópurinn tillögur sínar.

Fari það svo að samninganefnd samþykki aðgerðirnar þurfa formenn 16 félaga sambandsins, sem eru í samfloti í kjaraviðræðum, að leggja tillögurnar fyrir sitt félag.

Verði tillögurnar samþykktar hjá félagsmönnum gæti komið til verkfallsaðgerða í lok apríl.

Fréttastofa náði tali af Flosa Eiríkssyni, framkvæmdastjóra SGS, þegar hann var á leiðinni á fundinn. Það síðan skýrast að loknum fundi hvort samninganefnd félagsins samþykkir aðgerðirnar og beri þær undir félagsmenn.