Pitch Perfect-stjörnur skilja

Leikaraparið Anna Camp og Skylar Astin hefur ákveðið að skilja eftir tveggja ára hjónaband. Parið kynntist við tökur á fyrstu Pitch Perfect myndinni og hafa verið saman frá árinu 2013 og trúlofuðu sig árið 2016.

Camp og Astin fóru bæði með stór hlutverk í fyrstu tveimur Pitch Perfect kvikmyndunum en Astin sagði síðar skilið við Pitch Perfect-myndirnar og tók því ekki þátt í þriðju og síðustu myndinni. Astin hefur einnig leikið í myndum á borð við Crazy Ex-Girlfriend og þá hefur Camp komið fram í sjónvarpsþáttum á borð við The Good Wife.  

Í yfirlýsingu frá þeim á síðu Us Weekly kemur fram að þau hafi tekið ákvörðunina í sameiningu. Þá biðja þau um að fólk sýni því skilning að nú þurfi þau frið til þess að klára það ferli sem fylgir skilnaðinum.