Mikið undir hjá Hatara í Tel Aviv í dag Kolbeinn Tumi Daðason skrifar 9. maí 2019 09:00 Matthías Tryggvi Haraldsson, söngvari Hatara, teygir á fyrir fyrstu æfinguna á sunnudaginn. Andres Putting Það dregur til tíðinda í dag þegar Hatari stígur á svið á seinni sviðsæfingu sinni fyrir undanúrslitin á þriðjudagskvöld. Alls keppir 41 þjóð í Eurovision en sex þeirra, stóru þjóðirnar svokölluðu, eiga sæti víst úrslitakvöldið 18. maí. Aðrar þjóðir hafa lokið einni æfingu á sviðinu og fyrstu fimmtán þjóðirnar á svið á þriðjudagskvöldið æfa í Expo Tel Aviv í dag, Ísland á öðrum tímanum að íslenskum tíma. Skellt var í lás í keppnishöllinni í gær þar sem Ísraelar minntust fallinna hermanna og almennra borgara sem fallið hafa í árásum. Dyrnar verða galopnaðar í dag þegar fyrstu þjóðirnar fimmtán mæta hver á fætur annarri og reyna að fullnýta tímann á sviði. Um er að ræða hálftíma þar sem reiknað er með því að hver þjóð nái að renna í gegnum lagið sitt þrisvar sinnum. Um leið er gengið úr skugga um að sviðsmennirnir séu með allt á hreinu en sekúndur skipta máli þegar kemur að því að færa hluti inn og útaf sviði á þeim sekúndum sem líða á milli laga. Þá þarf að stilla af allar myndavélar, ljós og íslenski hópurinn fær sitt seinna og síðasta tækifæri til að hafa áhrif á útlitið, tilfinningu og hljóð áður en kemur að dómararennslinu og svo undanúrslitakvöldinu á þriðjudag.Að neðan má sjá samantekt frá fyrstu æfingum þjóðanna í Tel Aviv.Enn taldar 4% líkur á íslenskum sigri Hatari er í áttunda sæti á lista Eurovision World þar sem teknar eru saman líkur á því að þjóðirnar vinni keppnina. Hollendingurinn Duncan Laurence er talinn langlíklegastur til þess að standa uppi sem sigurvegari með lag sitt Arcade. Líkurnar eru taldar 25% en Eurovision World tekur saman líkur ólíkra veðbanka og vinnur líkur á sigri út frá þeim. Fullyrt er á vef Eurovision að æfing Laurence hafi gengið frábærlega, frá upphafi til enda. Dæmi hver fyrir sig.Næstur kemur Rússinn Segey Lazarev með lagið Scream en líkurnar á rússneskum sigri eru taldar vera 12%. Eurovision-unnendur muna eflaust margir eftir Lazarev frá því í Svíþjóð 2016 þar sem hann náði 3. sæti og vann símakosninguna. Ítalinn Mahmood með lagið Soldi er talinn þriðji líklegastur þessa stundina til að hrósa sigri. Líkurnar eru taldar 10%. Þar á eftir koma Aserbaíjdan, Svíþjóð og Sviss áður en Malta og Ísland koma í 7. og 8. sæti með 4% líkur á sigri. Líkurnar á íslenskum sigri voru 5% eftir fyrri æfinguna en hafa minnkað síðan. Allar líkur eru taldar á því að íslenska liðið rjúki upp úr riðli sínum á þriðjudaginn. Sautján þjóðir eru í fyrri undanúrslitariðlinum en átján í þeim seinni á fimmtudagskvöldinu. Tíu þjóðir komast upp úr hvorum riðli og keppa í úrslitum ásamt stóru þjóðunum sex; Ísrael, Frakkland, Þýskaland, Ítalía, Spánn og Bretland.Mat veðbanka á stöðunni að kvöldi 8. maí.EurovisionWorldÍ baráttu við stjórnandann Blaðamannafundur Hatara fer svo fram í keppnishöllinni seinni partinn á morgun, um 45 mínútum eftir að æfingunni líkur. Fyrsti blaðamannafundurinn var um margt áhugaverður þar sem stjórnandinn reyndi að hafa hemil á Hataramönnum og stýra umræðunni en hljómsveitin gekk ákveðið fram að fá að svara þeim spurningum sem bárust. Þótt fundurinn hafi vakið mikla athygli hér á landi, en fréttir af fundinum voru mikið lesnar á vefmiðlum, virðist áhugi annarra þjóða af skornum skammti. Sögðust söngvararnir tveir, þeir Matthías Tryggvi Haraldsson og Klemens Hannigan, að æfingin hefði gengið mjög vel fyrir sig. Kom fram í máli Matthíasar að hljómsveitin hygðist vissulega nýta dagskrárvaldið til að halda uppi gagnrýninni umræðu í tengslum við það samhengi sem keppnin er haldin í. Á sama tíma væru þau einnig staðráðin í því að taka þátt í keppninni og hlýða reglunum á hinu eiginlega sviði eins og allir aðrir. Minntu þeir einnig á áskorun sína til Benjamin Nethanyahu, forsætisráðherra Ísraels, að keppa við þá í íslenskri glímu. Voru Hatarar spurðir út í sína skoðun á hinu eldfima ástandi á Gaza-ströndinni. „Við viljum að sjálfsögðu sjá hernáminu ljúka eins fljótt og auðið er, og við bindum vonir við að friði verði komið á. Við erum vongóð,“ náði Matthías Tryggvi að segja í lok fundarins. Spennandi verður að sjá hvort liðsmenn Hatara fái áhugaverðar spurningar á blaðamannafundinum á morgun sem reiknað er með að taki um 20 mínútur. Í framhaldinu mun sveitin veita einstökum miðlum viðtöl.Fjögur mögur ár Óhætt er að segja að eftirvæntingin á Íslandi fyrir Eurovision hafi sjaldan verið meiri. Gengi Íslands undanfarin fjögur ár hefur verið skelfilegt. María Ólafs, Greta Salóme, Svala og Ari Ólafsson komust ekki upp úr undanúrslitariðlunum árin 2015 til 2018. Atriði Íslands í ár, Hatrið mun sigra, er ekki aðeins öðruvísi og djarft heldur einnig umdeilt. Sumir foreldrar súpa kveljur þegar þeir heyra börn sín syngja að Hatrið muni sigra. Liðsmenn Hatara eru iðullega í karakter í viðtölum sínum og stundum erfitt að átta sig á því hvað sé grín og hvað sé alvara.Páll Óskar Hjálmtýsson er mótfallinn því að Ísland taki þátt í Eurovision.Vísir/VilhelmEkki nóg með það heldur þykir afar umdeilt til að byrja með að Ísland taki þátt í ljósi hatrammra deilna Ísraela og Palestínumanna sem ekkert bendir til að finnist lausn á í náinni framtíð. Meðal þeirra sem hafa mótmælt þátttöku Íslands er Páll Óskar Hjálmtýsson, Eurovision goðsögn, sem hefur blásið af árlegt Pallaball á Eurovision-kvöldinu, kvöldi sem ljóst er að Páll Óskar hefur haft miklar tekjur af undanfarin ár. Engin þjóð hefur dregið sig úr keppni af pólitískum ástæðum. Búlgarir ákváðu að taka sér pásu í ár, sem fullt af fordæmum er fyrir, auk þess sem Úkraína dró sig úr keppni vegna skandals í undankeppninni þar í landi. Æfingin í dag skiptir miklu máli upp á útkomuna enda verður litlu sem engu breytt í framhaldinu. Takist æfingin vel og blaðamannafundurinn sömuleiðis er aldrei að vita nema Ísland hækki sig hjá veðbönkunum. Sigur í Eurovision er líklegast langsóttur draumur en svo virðist sem mikið þurfi að ganga á til þess að Ísland eigi ekki loksins fulltrúa á úrslitakvöldi keppninnar, laugardagskvöldið 18. maí. Sem gerir vinsælasta partýkvöld landans miklu skemmtilegra.Uppfært klukkan 16. Hér að neðan má sjá stutt myndband af æfingunni sem aðstandendur Eurovision sendu frá sér í lok dags. Eurovision Tengdar fréttir MMR: Íslendingar bjartsýnir á gott gengi Hatara Miðflokksmenn og Framsóknarmenn hins vegar líklegastir til að vera svartsýnir í garð framlag Íslands. 8. maí 2019 14:29 Jon Ola Sand býður Elon Musk á Eurovision Elon Musk, forstjóri bílaframleiðandans Tesla, hefur mikinn áhuga á að mæta á Eurovision í Tel Aviv. 8. maí 2019 10:16 Eurovision-sviðið í Ísrael minna en Hatarar segjast hafa búist við Sviðið í Expo-höllinni í Tel Avív var minna en Hatari bjóst við eftir fyrstu æfingu sem fram fór í fyrradag. 7. maí 2019 06:15 Mest lesið Skúli hannaði hof fyrir Grímu Lífið Myndaveisla: Vestri fékk konunglegar móttökur á Ísafirði Lífið Kom með blóðugar tær í mark eftir heilt maraþon berfættur Lífið Tóku hlé í miðju hlaupi til að halda tónleika Lífið Fann nýjan tilgang í kjölfar lömunar í kraftlyftingum Lífið Eyðir afmælisdegi dótturinnar í fasteignadeilur Lífið Níu ástæður fyrir því að stunda morgunkynlíf Lífið Bjargaði lífi systur sinnar ellefu ára gömul Lífið Segir sögur með timbri Lífið Geggjaðar gellur í gæsun Grímu Thorarensen Lífið Fleiri fréttir Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Fann nýjan tilgang í kjölfar lömunar í kraftlyftingum Eyðir afmælisdegi dótturinnar í fasteignadeilur Eini dagurinn sem hægt er að fara upp í Gróttuvita Krakkatía vikunnar: Menning, bangsar og líffæri Veggjadans á Hörpu og snyrtivörur úr sælgæti Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Sjá meira
Það dregur til tíðinda í dag þegar Hatari stígur á svið á seinni sviðsæfingu sinni fyrir undanúrslitin á þriðjudagskvöld. Alls keppir 41 þjóð í Eurovision en sex þeirra, stóru þjóðirnar svokölluðu, eiga sæti víst úrslitakvöldið 18. maí. Aðrar þjóðir hafa lokið einni æfingu á sviðinu og fyrstu fimmtán þjóðirnar á svið á þriðjudagskvöldið æfa í Expo Tel Aviv í dag, Ísland á öðrum tímanum að íslenskum tíma. Skellt var í lás í keppnishöllinni í gær þar sem Ísraelar minntust fallinna hermanna og almennra borgara sem fallið hafa í árásum. Dyrnar verða galopnaðar í dag þegar fyrstu þjóðirnar fimmtán mæta hver á fætur annarri og reyna að fullnýta tímann á sviði. Um er að ræða hálftíma þar sem reiknað er með því að hver þjóð nái að renna í gegnum lagið sitt þrisvar sinnum. Um leið er gengið úr skugga um að sviðsmennirnir séu með allt á hreinu en sekúndur skipta máli þegar kemur að því að færa hluti inn og útaf sviði á þeim sekúndum sem líða á milli laga. Þá þarf að stilla af allar myndavélar, ljós og íslenski hópurinn fær sitt seinna og síðasta tækifæri til að hafa áhrif á útlitið, tilfinningu og hljóð áður en kemur að dómararennslinu og svo undanúrslitakvöldinu á þriðjudag.Að neðan má sjá samantekt frá fyrstu æfingum þjóðanna í Tel Aviv.Enn taldar 4% líkur á íslenskum sigri Hatari er í áttunda sæti á lista Eurovision World þar sem teknar eru saman líkur á því að þjóðirnar vinni keppnina. Hollendingurinn Duncan Laurence er talinn langlíklegastur til þess að standa uppi sem sigurvegari með lag sitt Arcade. Líkurnar eru taldar 25% en Eurovision World tekur saman líkur ólíkra veðbanka og vinnur líkur á sigri út frá þeim. Fullyrt er á vef Eurovision að æfing Laurence hafi gengið frábærlega, frá upphafi til enda. Dæmi hver fyrir sig.Næstur kemur Rússinn Segey Lazarev með lagið Scream en líkurnar á rússneskum sigri eru taldar vera 12%. Eurovision-unnendur muna eflaust margir eftir Lazarev frá því í Svíþjóð 2016 þar sem hann náði 3. sæti og vann símakosninguna. Ítalinn Mahmood með lagið Soldi er talinn þriðji líklegastur þessa stundina til að hrósa sigri. Líkurnar eru taldar 10%. Þar á eftir koma Aserbaíjdan, Svíþjóð og Sviss áður en Malta og Ísland koma í 7. og 8. sæti með 4% líkur á sigri. Líkurnar á íslenskum sigri voru 5% eftir fyrri æfinguna en hafa minnkað síðan. Allar líkur eru taldar á því að íslenska liðið rjúki upp úr riðli sínum á þriðjudaginn. Sautján þjóðir eru í fyrri undanúrslitariðlinum en átján í þeim seinni á fimmtudagskvöldinu. Tíu þjóðir komast upp úr hvorum riðli og keppa í úrslitum ásamt stóru þjóðunum sex; Ísrael, Frakkland, Þýskaland, Ítalía, Spánn og Bretland.Mat veðbanka á stöðunni að kvöldi 8. maí.EurovisionWorldÍ baráttu við stjórnandann Blaðamannafundur Hatara fer svo fram í keppnishöllinni seinni partinn á morgun, um 45 mínútum eftir að æfingunni líkur. Fyrsti blaðamannafundurinn var um margt áhugaverður þar sem stjórnandinn reyndi að hafa hemil á Hataramönnum og stýra umræðunni en hljómsveitin gekk ákveðið fram að fá að svara þeim spurningum sem bárust. Þótt fundurinn hafi vakið mikla athygli hér á landi, en fréttir af fundinum voru mikið lesnar á vefmiðlum, virðist áhugi annarra þjóða af skornum skammti. Sögðust söngvararnir tveir, þeir Matthías Tryggvi Haraldsson og Klemens Hannigan, að æfingin hefði gengið mjög vel fyrir sig. Kom fram í máli Matthíasar að hljómsveitin hygðist vissulega nýta dagskrárvaldið til að halda uppi gagnrýninni umræðu í tengslum við það samhengi sem keppnin er haldin í. Á sama tíma væru þau einnig staðráðin í því að taka þátt í keppninni og hlýða reglunum á hinu eiginlega sviði eins og allir aðrir. Minntu þeir einnig á áskorun sína til Benjamin Nethanyahu, forsætisráðherra Ísraels, að keppa við þá í íslenskri glímu. Voru Hatarar spurðir út í sína skoðun á hinu eldfima ástandi á Gaza-ströndinni. „Við viljum að sjálfsögðu sjá hernáminu ljúka eins fljótt og auðið er, og við bindum vonir við að friði verði komið á. Við erum vongóð,“ náði Matthías Tryggvi að segja í lok fundarins. Spennandi verður að sjá hvort liðsmenn Hatara fái áhugaverðar spurningar á blaðamannafundinum á morgun sem reiknað er með að taki um 20 mínútur. Í framhaldinu mun sveitin veita einstökum miðlum viðtöl.Fjögur mögur ár Óhætt er að segja að eftirvæntingin á Íslandi fyrir Eurovision hafi sjaldan verið meiri. Gengi Íslands undanfarin fjögur ár hefur verið skelfilegt. María Ólafs, Greta Salóme, Svala og Ari Ólafsson komust ekki upp úr undanúrslitariðlunum árin 2015 til 2018. Atriði Íslands í ár, Hatrið mun sigra, er ekki aðeins öðruvísi og djarft heldur einnig umdeilt. Sumir foreldrar súpa kveljur þegar þeir heyra börn sín syngja að Hatrið muni sigra. Liðsmenn Hatara eru iðullega í karakter í viðtölum sínum og stundum erfitt að átta sig á því hvað sé grín og hvað sé alvara.Páll Óskar Hjálmtýsson er mótfallinn því að Ísland taki þátt í Eurovision.Vísir/VilhelmEkki nóg með það heldur þykir afar umdeilt til að byrja með að Ísland taki þátt í ljósi hatrammra deilna Ísraela og Palestínumanna sem ekkert bendir til að finnist lausn á í náinni framtíð. Meðal þeirra sem hafa mótmælt þátttöku Íslands er Páll Óskar Hjálmtýsson, Eurovision goðsögn, sem hefur blásið af árlegt Pallaball á Eurovision-kvöldinu, kvöldi sem ljóst er að Páll Óskar hefur haft miklar tekjur af undanfarin ár. Engin þjóð hefur dregið sig úr keppni af pólitískum ástæðum. Búlgarir ákváðu að taka sér pásu í ár, sem fullt af fordæmum er fyrir, auk þess sem Úkraína dró sig úr keppni vegna skandals í undankeppninni þar í landi. Æfingin í dag skiptir miklu máli upp á útkomuna enda verður litlu sem engu breytt í framhaldinu. Takist æfingin vel og blaðamannafundurinn sömuleiðis er aldrei að vita nema Ísland hækki sig hjá veðbönkunum. Sigur í Eurovision er líklegast langsóttur draumur en svo virðist sem mikið þurfi að ganga á til þess að Ísland eigi ekki loksins fulltrúa á úrslitakvöldi keppninnar, laugardagskvöldið 18. maí. Sem gerir vinsælasta partýkvöld landans miklu skemmtilegra.Uppfært klukkan 16. Hér að neðan má sjá stutt myndband af æfingunni sem aðstandendur Eurovision sendu frá sér í lok dags.
Eurovision Tengdar fréttir MMR: Íslendingar bjartsýnir á gott gengi Hatara Miðflokksmenn og Framsóknarmenn hins vegar líklegastir til að vera svartsýnir í garð framlag Íslands. 8. maí 2019 14:29 Jon Ola Sand býður Elon Musk á Eurovision Elon Musk, forstjóri bílaframleiðandans Tesla, hefur mikinn áhuga á að mæta á Eurovision í Tel Aviv. 8. maí 2019 10:16 Eurovision-sviðið í Ísrael minna en Hatarar segjast hafa búist við Sviðið í Expo-höllinni í Tel Avív var minna en Hatari bjóst við eftir fyrstu æfingu sem fram fór í fyrradag. 7. maí 2019 06:15 Mest lesið Skúli hannaði hof fyrir Grímu Lífið Myndaveisla: Vestri fékk konunglegar móttökur á Ísafirði Lífið Kom með blóðugar tær í mark eftir heilt maraþon berfættur Lífið Tóku hlé í miðju hlaupi til að halda tónleika Lífið Fann nýjan tilgang í kjölfar lömunar í kraftlyftingum Lífið Eyðir afmælisdegi dótturinnar í fasteignadeilur Lífið Níu ástæður fyrir því að stunda morgunkynlíf Lífið Bjargaði lífi systur sinnar ellefu ára gömul Lífið Segir sögur með timbri Lífið Geggjaðar gellur í gæsun Grímu Thorarensen Lífið Fleiri fréttir Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Fann nýjan tilgang í kjölfar lömunar í kraftlyftingum Eyðir afmælisdegi dótturinnar í fasteignadeilur Eini dagurinn sem hægt er að fara upp í Gróttuvita Krakkatía vikunnar: Menning, bangsar og líffæri Veggjadans á Hörpu og snyrtivörur úr sælgæti Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Sjá meira
MMR: Íslendingar bjartsýnir á gott gengi Hatara Miðflokksmenn og Framsóknarmenn hins vegar líklegastir til að vera svartsýnir í garð framlag Íslands. 8. maí 2019 14:29
Jon Ola Sand býður Elon Musk á Eurovision Elon Musk, forstjóri bílaframleiðandans Tesla, hefur mikinn áhuga á að mæta á Eurovision í Tel Aviv. 8. maí 2019 10:16
Eurovision-sviðið í Ísrael minna en Hatarar segjast hafa búist við Sviðið í Expo-höllinni í Tel Avív var minna en Hatari bjóst við eftir fyrstu æfingu sem fram fór í fyrradag. 7. maí 2019 06:15