Borgarstjórinn afgreiddi Fylki

Silfurliðið úr efstu deild kvenna á síðustu leiktíð, Þór/KA, er komið á blað í Pepsi Max-deild kvenna í ár eftir 2-0 sigur á Fylki.

Staðan var markalaus í hálfleik en Sandra Stephany Mayor Gutierrez, betur þekkt sem Borgarstjórinn, kom Þór/KA yfir í upphafi síðari hálfleiks.

Sandra Stephany Mayor var svo arkitektinn að síðari markinu en hún lagði þá upp annað markið fyrir Andreu Mist Pálsdóttur. Lokatölur 2-0.

Þór/KA er því með þrjú stig en Fylkir er einnig með þrjú stig eftir sigur á Keflavík í fyrstu umferðinni.