Messan greinir af hverju Liverpool missti af titlinum

Þrátt fyrir þriðja besta árangurinn frá upphafi í sögu ensku úrvalsdeildarinnar varð Liverpool að sætta sig við silfur og Messudrengir fóru yfir tímabil þeirra.

„Liverpool leiddi mótið með sjö stigum er við fórum inn í nýtt ár. Svo kom erfiður tími hjá félaginu sem kostaði sitt,“ sagði Hjörvar Hafliðason.

„Kannski bar pressan að leiða mótið þá svolítið ofurliði.“

Ríkharður Daðason tók í sama streng.

„Á þessum tíma var ekki taktur í sóknarleiknum. Það var eins og allir væru meðvitaðir um að þeir væru við stýrið og það kom pínu þrýstingur. Það var eitthvað off hjá þeim á þessum tíma.“

Umræðuna má sjá hér að neðan.