Jafnt á Ásvöllum

Leik Hauka og Víkings Ólafsvíkur var að ljúka fyrir stuttu og voru lokatölur 0-0 á Ásvöllum.

 

Fyrir leikinn voru heimamenn án stiga eftir að hafa tapað fyrir Fjölni í fyrstu umferðinni á meðan gestirnir frá Ólafsvík voru með þrjú stig í fjórða sæti deildarinnar.

 

Það var vitaskuld fátt um fína drætti í þessum leik enda markalaust en bæði lið áttu þá sín tækifæri til þess að hirða stigin þrjú en svo varð ekki í dag.

 

Eftir leikinn eru Haukar komnir með sitt fyrsta stig í sumar á meðan Ólsarar eru komnir með fjögur stig.

 

Í næstu umferð fara Haukar í heimsókn til Fram á meðan Ólsarar fara í heimsókn til Þróttar.