Cristiane afgreiddi Jamaíku: Elsti leikmaðurinn til að skora þrjú mörk á HM

Brasilía er komið með þrjú stig í C-riðli heimsmeistaramóts kvenna í knattspyrnu eftir að Brassarnir unnu 3-0 sigur á Jamaíka í fyrstu umferðinni.

Cristiane, sem spilar fyrir São Paulo, í heimalandinu var á eldi í dag og afgreiddi Jamaíka í raun upp á sitt einsdæmi.

Hún skoraði fyrsta markið og þannig var staðan í leikhlé. Hún bætti við öðru markinu á 50. mínútu og fullkomnaði þrennuna eftir rétt rúman klukkutíma.

Með því að skora þrennu í dag skrifaði Cristiane sig á spjöld sögurnar en hún er elsti leikmaðurinn til þess að skora þrjú mörk í einum og sama leiknum.

34 - Oldest player to score a World Cup hat-trick:

Women's WC - Cristiane (34y 25d)

Men's WC - Cristiano Ronaldo (33y 130d).

Record.#FIFAWWCpic.twitter.com/edAbkyOwAY

— OptaJohan (@OptaJohan) June 9, 2019

Brassarnir eru því með þrjú stig í C-riðlinum líkt og Ítalía en Ástralía og Jamaíka eru án stiga. Brasilía mætir Ástralíu á fimmtudaginn.