Fótbolti

Hafa miklar áhyggjur af stöðunni á La Masia akademíu Barcelona

Óskar Ófeigur Jónsson skrifar
Lionel Messi kom upp í gegnum La Masia knattspyrnuakademíuna og varð að mögulega besta knattspyrnumanni sögunnar. Hér sést hann á fyrstu árum sínum með aðalliði Barcelona.
Lionel Messi kom upp í gegnum La Masia knattspyrnuakademíuna og varð að mögulega besta knattspyrnumanni sögunnar. Hér sést hann á fyrstu árum sínum með aðalliði Barcelona. Getty/Luis Bagu
Er La Masia knattspyrnuakademía Barcelona að deyja? Það er skoðun spænsk blaðamanns sem kannaði stöðuna á þessari frægu útungungarstöð fótboltamanna.

Fyrir nokkrum árum var hvergi betra að vera fyrir ungan knattspyrnumann en í La Masia akademíu Barcelona liðsins.

Aðallið Barcelona var fullt af leikmönnum sem höfðu farið í gegnum knattspyrnuakademíu félagsins og La Masia átti auk þess fjölda leikmanna í öðrum sterkum félögum.

Menn eins og Lionel Messi, Xavi Hernandez, Andres Iniesta, Sergio Busquets og Gerard Pique komu allir upp í gegnum La Masia akademíu Barcelona og urðu að bestu leikmönnum heims í sinni stöðu.

Á síðustu árum hefur aftur á móti orðið mikil breyting á þessari þróun. Sergi Roberto er síðasti leikmaðurinn sem fer þessa leið en hann hefur samt aldrei komist í lykilhlutverk hjá Barca.

Meðal þeirra sem hafa yfirgefið unglingastarf Barcelona á síðustu árum eru synir Eiðs Smára Guðjohnsen sem eru báðir komnir yfir til Real Madrid.

Það lítur út fyrir það að La Masia akademía Barcelona sé varla hálfdrættingur á við það sem hún var einu sinni. Það er því skiljanlegt að margir hafi áhyggjur af stöðunni á La Masia.

Spænski blaðamaðurinn Xavi Torres kafaði dýpra ofan í þetta mál og komst að ýmsu fróðlegu um útungunarstöð Barcelona liðsins.





Josep Maria Bartomeu, forseti Barcelona, hefur mistekist illilega að viðhalda stöðu La Masia og þá að hann hafi sett mikla peninga í ráðningu á þjálfurum, starfsmönnum og sálfræðingum. Það lítur út fyrir að hann hafi hreinlega ráðið vitlaust fólk til starfa.

Masia 360 hernaðaráætlunin hans hefur klúðrast algjörlega og í stað þess að búa til leikmenn fyrir aðalliðið þá er La Masia í dag uppfull af lánsmönnum eða knattspyrnumönnum sem fáir hafa áhuga á. Það er engin straumur frá La Masia lengur, hvorki upp í aðallið Barcelona eða inn í önnur lið.

Það dreymir eflaust marga um að feta í fótspor Lionel Messi sem flutti ungur frá Argentínu og blómstraði í La Masia akademíunni en nú er öldin önnur.

Blaðamaðurinn Xavi Torres segir meðal annars frá því að maturinn sem strákunum er boðið upp á standist engan vegin næringarkröfur nútímans og nýir þjálfarar hafa enga reynslu af Barcelona leikaðferðinni og skilja því ekki nógu vel fyrir hvað Barcelona stendur.

Það lítur því út fyrir að ein þekktasta knattspyrnuakademía heims sé að deyja og það mun örugglega taka langan tíma að snúa við þessari þróun.









Getty/Denis Doyle
Spánn Spænski boltinn

Mest lesið


Fleiri fréttir

Sjá meira


×

Mest lesið