Þunguð kona stungin til bana í suðurhluta Lundúna

Ófrísk kona á þrítugsaldri á var stungin í bænum Croydon í suðurhluta Lundúna aðfaranótt laugardags. Konan er látin en barnið liggur nú þungt haldið á spítala. BBC greinir frá þessu.

Lögregla var kölluð til aðfaranótt laugardags að heimili í Croydon vegna konu í hjartastoppi. Í yfirlýsingu lögreglu af vettvangi hafði hin 26 ára Kelly Mary Fauvrelle verið stungin.

Kelly var barnshafandi og var komin átta mánuði á leið þegar hún var stungin. Konan lést en sjúkraflutningamenn á vettvangi tóku barnið. Það berst nú fyrir lífi sínu.

Tveir menn, 29 og 37 ára, hafa verið handteknir grunaðir um að hafa ráðið konunni bana.