Héraðsdómur Reykjavíkur féllst í gær á beiðni stjórnar Tölvuteks ehf, sem rak samnefnda verslun við Hallarmúla í Reykjavík og á Akureyri, að fyrirtækið verði tekið til gjaldþrotaskipta. Í beiðni Tölvuteks kom fram að félagið væri ógjaldfært og í framhaldi af því hefði beiðnin verið lögð fyrir héraðsdóm.
Í úrskurði héraðsdóms kemur fram að fullyrðing um ógjaldfærni félagsins sé studd með framlögðum gögnum. Samkvæmt þeim virðist ekki líklegt að fjárhagsstaðan batni eða greiðsluörðugleikar félagsins muni líða hjá innan skamms tíma.
Í ljósi þess féllst héraðsdómur á beiðnina. Bjarki Þór Sveinsson hefur verið skipaður skiptastjóri. Um fjörutíu manns misstu vinnuna við gjaldþrot Tölvuteks sem hafði starfað í þrettán ár.
Tölvutek gjaldþrota
Tengdar fréttir
Nýtt húsnæði Tölvuteks reyndist mikill dragbítur
Flutningar og breytingar á rekstri eru ekki síst ástæður þess að eigendur Tölvuteks munu óska þess að fyrirtækið verði tekið til gjaldþrotaskipta.
Tölvutek hættir rekstri og lokar verslunum sínum
Þetta kemur fram í tilkynningu frá fyrirtækinu þar sem segir að lokunina megi rekja til "óviðráðanlegra ástæðna“.
Fjörutíu missa vinnuna hjá Tölvuteki
Alls munu fjörutíu manns missa vinnuna við lokun verslana Tölvutek sem tilkynnt var um í morgun. Þetta staðfestir Daníel Helgason rekstrarstjóri í samtali við Vísi.
