Tveggja marka forskot Guðmundar og félaga

Guðmundur Þórarinsson og samherjar hans í IFK Norrköping fara með tveggja marka forskot til Lettlands eftir 2-0 sigur á FK Liepaja í forkeppni Evrópudeildarinnar.

Fyrri leikur liðanna fór fram í Svíþjóð í kvöld og Selfyssingurinn Guðmundur var að sjálfsögðu á miðjunni hjá Norrköping. Hann lék allan leikinn þar.

Það leið innan við mínúta áður en fyrsta markið kom en vængmaðurinin Simon Thern skoraði þá. Það var svo fyrrum leikmaður West Ham, Sead Haksabanovic, sem skoraði annað markið tíu mínútum fyrir leikslok.

Svíarnir fara því með tveggja marka forskot til Lettlands en liðin mætast þar að viku liðinni. Leikurinn er liður í 2. umferð forkeppni Evrópudeildarinnar en fara þarf í gegnum fjórar umferðir til að komast í riðlakeppnina.