Eitt stig af sex mögulegum hjá íslensku landsliðsstelpunum í Bandaríkjunum

Dagný Brynjarsdóttir og Gunnhildur Yrsa Jónsdóttir voru í eldlínunni í bandarísku úrvalsdeildinni í knattspyrnu í nótt.

Gunnhildur Yrsa spilaði allan leikinn á miðjunni hjá Utah Royals sem tapaði 2-0 fyrir Chicago Red starts á útiveli en Utah hefur ekki unnið í síðustu fimm leikjum.

Not our night. pic.twitter.com/wsi2aOgin4

— Utah Royals FC (@UtahRoyalsFC) August 4, 2019

Gunnhildur nældi sér í gult spjald en Utah er í sjöunda sæti deildarinnar, með átján stig, en í Portland var Dagný Brynjarsdóttir í byrjunarliði Portland sem gerði 1-1 jafntefli við Sky Blue.

Portland komst yfir í fyrri hálfleik en Sky Blue jafnaði um miðjan síðari hálfleikinn og þar við sat. Dagný lék allan leikinn en Portland er í öðru sæti deidlarinnar, stigi á eftir North Carolina.

90' And then @dagnybrynjars heads a shot off the crossbar!#BAONPDX#PORvNJpic.twitter.com/G5jgsc6A92

— Portland Thorns FC (@ThornsFC) August 4, 2019