Keppa í lauginni þar sem Jón Margeir vann Ólympíugullið 2012

Ísland á sex fulltrúa á heimsmeistaramóti fatlaðra í sundi sem fer fram í London dagana 9.-15. september næstkomandi.

Mótið fer fram í Ólympíusundlauginni frá Ólympíuleikunum 2012.

Þar vann sundmaðurinn Jón Margeir Sverrisson gullverðlaun í 200 metra skriðsundi S14 á nýju heimsmeti.

Íslenska sundfólkið á HM kemur frá þremur félögum; ÍFR, Firði/SH og ÍRB.

Keppendur Íslands á HM í sundi 2019:

Thelma Björg Björnsdóttir, ÍFR - S6

Sonja Sigurðardóttir, ÍFR - S4

Róbert Ísak Jónsson, Fjörður/SH - S14

Guðfinnur Karlsson, Fjörður - S11

Már Gunnarsson, ÍRB - S11

Hjörtur Már Ingvarsson, Fjörður - S5