Íbúar í Flórída búa sig undir stórhættulegan fjórða stigs fellibyl

Fellibylurinn Dorian, sem veðurfræðingar segja að sé stórhættulegur, nálgast nú stendur Flórída í Bandaríkjunum.

Ron DeSantis, Ríkisstjóri í Flórída, hefur lýst yfir neyðarástandi og fólk í norðurhluta fylkisins hamstrar nú matvæli til að búa sig undir skort eftir að bylurinn gengur á land, sem verður líklegast á mánudag.

Búist er við að veðurhamurinn verði mestur nyrst í Flórída og hugsanlega syðst í Georgíu þó að það sé enn háð nokkurri óvissu.

Því er spáð að hann muni eflast að hraða og vætu á næstu dögum við að fara yfir hlýtt Karíbahafið á leið sinni að Flórída og verði orðinn að fjórða stigs fellibyl.

Sérfræðingar hjá fellibyljamiðstöð Bandaríkjanna vara við hættulegu rigningarveðri sem gæti valdið skyndiflóðum í Flórída og hluta Bahamaeyja.