Innkalla diskasett frá Sophie la girafe

Skjaldbaka.is hefur, í samráði við matvælaeftirlit heilbrigðiseftirlits Reykjavíkur, innkallað vöruna  Coffret repas naturel - Natural Meal time set frá Sophie la girafe vegna þess að of hátt flæði af melamíni mældist úr vörunni.

Þetta kemur fram í tilkynningu frá heilbrigðiseftirlitinu en eftirfarandi upplýsingar auðkenna vörurnar sem innköllunin einskorðast við:

Vörumerki: Vulli - Sophie la girafe                                             

Vörulína: So Pure

Vöruheiti: Coffret repas naturel, Natural Meal time set

Vörulýsing: diskasett úr plasti sem samanstendur af diski, skál, bolla og skeið.

Strikanúmer: 3056562201246                                                      

Lotunúmer: 897275

Framleiðsluland: Kína

Innflytjandi: skjaldbaka.is

Dreifing: www.heimkaup.is og Lyf & Heilsa.

Viðskiptavinum sem hafa keypt vöruna er bent á að hætta notkun hennar og farga eða skila henni í þeirri verslun þar sem hún var keypt.

Nánari upplýsingar má nálgast hjá skjaldbaka.is, s. 8476630 eða í tölvupósti: skjaldbaka@skjaldbaka.is