Besti árangur Gróttu fyrir leiktíðina var 10. sæti í B-deild

Grótta er komið upp í Pepsi Max-deild karla eftir 4-0 sigur á Haukum á Seltjarnanesinu í gær er liðin mættust í síðustu umferð Inkasso-deildarinnar.

Grótta komst ekki bara upp í Pepsi Max-deildina með sigrinum heldur stóðu Seltirningar uppi sem sigurvegarar í Inkasso-deildinni.

Árangurinn er ótrúlegur því fyrir ári síðan var Grótta í 2. deildinni en komst upp í Inkasso-deildina eftir að hafa lent í öðru sæti C-deildarinnar.

Þeir tóku Inkasso-deildina með trompi og nældu sér í 43 stigum og það er enn ótrúlegra er litið er á tölfræðina.

Besti árangur Gróttu í næst efstu deild ef litið er á stig, fyrir tímabilið í ár, náðu þeir árið 2011 er liðið náði í tuttugu stig en þá féllu þeir niður í C-deildina.

Ef litið er á besta árangurinn hvað varðar sæti þá var það árið 2010 er þeir enduðu í 10. sæti B-deildarinnar á Íslandi. Ótrúlegur uppgangur.

Til að setja afrek Gróttu í eitthvað samhengi, þá var þetta besti árangur í sögu félagsins fyrir tímabilið í ár. Magnaður andskoti. pic.twitter.com/hELCIimHR3

— Ingvi Þór Sæmundsson (@ingvithors) September 21, 2019