Þrjú íslensk mörk í sigri Sönderjyske

Íslendingalið Sönderjyske vann sex marka sigur á Nordsjælland í dönsku úrvalsdeildinni í dag.

Jafnræði var með liðunum í fyrri hálfleik þar til undir lok hálfleiksins þegar Sönderjyske náði upp nokkurra marka forystu. Í hálfleik var staðan 11-14 fyrir Sönderjyske.

Gestirnir frá Sönderjyske byrjuðu seinni hálfleikinn af krafti og héldu þeir forystu sinni út leikinn. Þegar upp var staðið lauk leiknum með 29-23 sigri Sönderjyske.

Arnar Birkir Hálfdánsson gerði tvö mörk fyrir Sönderjyske og Sveinn Jóhannsson skoraði eitt.