Sex­tán látnir eftir lestar­slys í Bangla­dess

Sextán manns hið minnsta eru látnir eftir að tvær lestir rákust saman fyrir utan borgina Brahmanbaria í austurhluta Bangladess.

Slysið varð um miðja nótt að staðartíma þegar stór hluti farþeganna var í fastasvefni.

Ekki liggur fyrir um ástæðu þess að lestirnar voru á sama spori, en talsmenn yfirvalda í landinu telja að tala látinna komi til með að hækka.

Lestarslys eru tiltölulega algeng í Bangladess, en öryggiskröfur og eftirlit eru þar minni en víða annars staðar í heiminum.