„Fyrri hálf­leikurinn var stór­slys og frammi­staðan sú versta á tíma­bilinu“

Owen Hargreaves, fyrrum leikmaður Manchester United og nú sparkspekingur, var ekki hrifinn af sínum fyrri félögum í 3-3 jafnteflinu gegn Sheffield United í gær.

Man. United lenti 2-0 undir en náði að snúa leiknum sér í hag áður Oli McBrnie bjargaði stigi fyrir nýliðanna. Endurkoman var þó ekki nóg fyrir Hargreaves sem leist ekkert á United-liðið í gær.

„Í 70 mínútur voru þeir hrikalegir. Þetta var líklega versta frammistaðan á tímabilinu. Fyrri hálfleikurinn var stórslys og Sheffield United hefði átt að vera yfir með fleiri mörkum,“ sagði Hargreaves.

'The first half was a disaster... they really were dreadful'

Ex-Man United midfielder Owen Hargreaves slams Ole Gunnar Solskjaer's side's performance in draw at Bramall Lanehttps://t.co/FiLPftODou

— MailOnline Sport (@MailSport) November 25, 2019

„Solskjær gerði breytingar og það eina sem þú getur tekið út úr þessu er að ungu strákarnir stigu upp. Það sem þú tekur frá leiknum í dag er það að gömlu mennirnir eiga að fara út og þeir ungu inn. Yfirbragð liðsins og með Phil Jones í vörninni virkaði ekki.“

Man. United er í 9. sæti deildarinnar með sautján stig eftir jafntefli, þó einungis tveimur stigum á eftir Wolves sem er í fimmta sætinu en miðju pakkinn er ansi þéttur.