Sveindís Jane til Breiðabliks

Keflavík hefur lánað Sveindísi Jane Jónsdóttur til Breiðabliks. Hún mun leika með Blikum á næsta tímabili.

Sveindís er einn efnilegasti leikmaður landsins og var mjög eftirsótt eftir tímabilið.

Í sumar skoraði hún sjö mörk fyrir Keflavík sem féll úr Pepsi Max-deildinni.

Sveindís, sem er 18 ára, hefur alls skorað 54 mörk í 80 leikjum með Keflavík. Þá hefur hún skorað 21 mark í 38 leikjum fyrir yngri landslið Íslands.

Breiðablik endaði í 2. sæti Pepsi Max-deildarinnar á síðasta tímabili.