Sportpakkinn: Rapinoe hefur farið með kvennafótboltann í rétta átt

Arnar Björnsson fór betur yfir magnað ár hjá hinni bandarísku Megan Rapinoe sem á árinu 2019 vann allar viðurkenningar sem hún gat unnið á þessu magnaða ári sínu. Þar á meðal er Gullboltann sem hún fékk í gær.

Það kom fáum á óvart að Megan Rapinoe fyrirliði bandaríska landsliðsins yrði valinn besta knattspyrnukona heims. Hún fór fyrir liðinu sem vann heimsmeistaratitilinn og skoraði 6 mörk í keppninni.

Rapinoe er ekki dæmigerða íþróttakona sem lætur verkin tala á vellinum. Hún er ötull liðsmaður í baráttu fyrir mannréttindum. Hún stóð í stappi við bandaríska knattspyrnusambandið vegna þess að sambandið borgaði knattspyrnukörlum meira en konunum.

Rapinoe neitaði að sækja Donald Trump heim í Hvíta húsið eftir sigurinn á HM

Norski framherjinn, Ada Hegerberg, sem spilar með Lyon í Frakklandi varð í fjórða sæti í valinu á bestu knattspyrnukonu heims, hún vann gullboltann í fyrra.

Hún segir að Megan Rapinoe hafi verið frábær á heimsmeistaramótinu. Hún er ekki bara góð í fótbolta heldur eru áhrif hennar  á íþróttina mikil. Hegerberg segir að Rapinoe hafi farið með kvennafótboltann í rétta átt.

„Hún er ekki hrædd við að segja sína skoðun. Hún talar ekki um sjálfa sig heldur okkur allar sem eru í fótboltanum. Hún er ófeimin við að segja sína skoðun sem er ekki alltaf sjálfgefið þegar menn standa á hátindi ferilsins. Við getum lært margt af henni“.

Lokastaðan í kjöri kvenna um Gullboltann:

1. Megan Rapinoe (Reign FC, Bandaríkin)

2. Lucy Bronze (Lyon, England)

3. Alex Morgan (Orlando Pride, Bandaríkin)

4. Ada Hegerberg (Lyon, Noregur)

5. Vivianne Miedema (Arsenal, Holland)

6. Wendie Renard (Lyon, Frakkland)

7. Sam Kerr (Chelsea, Ástralía)

8. Rose Lavelle (Washington Spirit, Bandaríkin)

9. Ellen White (Manchester City, England)

10. Dzsenifer Marozsan (Lyon, Þýskaland)

11. Amandine Henry (Lyon, Frakkland)

12. Sari van Veenendaal (Atletico Madrid, Holland)

13. Tobin Heath (Portland Thorns, Bandaríkin)

14. Pernille Harder (Wolfsburg, Danmörk)

15. Lieke Martens (Barcelona, Holland)

16. Kosovare Asllani (Tacon, Svíþjóð)

17. Nilla Fischer (Linköpings, Svíþjóð

18. Marta (Orlando Pride, Brasilía)

19. Sofia Jakobsson (Tacon, Svíþjóð)

20. Sarah Bouhaddi (Lyon, Frakkland)

Hér fyrir neðan má sjá umfjöllun Arnars Björnssonar um kjör Megan Rapinoe í gær.