Hætta skapaðist þegar kviknaði í bíl

Slökkvilið Brunavarna Suðurnesja fengu tilkynningu nú klukkan hálf þrjú um að eldur logaði í bíl við Klettatröð í Reykjanesbæ. Bílnum hafði verið komið fyrir fyrir utan verkstæði við Klettatröð og átti að fara að gera að bílnum. Eigandi bílsins kom að honum alelda og gerði slökkviliði viðvart. 

Jón Gunnlaugsson, slökkviliðsstjóri, sagði í samtali við fréttastofu að hætta hafi verið á staðnum það sem nokkrir húsbílar stóðu þar sem kviknaði í og hætt hafi verið að eldurinn teygði sig í vörubíl sem stóð við hliðiná að sögn Ármanns Árnasonar, varðstjóra. 

Slökkvistarfi er nú lokið og segir Ármann að vel hafi gengið við að slökkva eldinn. Einn slökkviliðsbíll vann starfið og tók það stuttan tíma. 

Fréttin hefur verið uppfærð.