Dagskráin í dag: Hörður Björgvin og Arnór ræða við Rikka G um lífið í Moskvu og margt fleira

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Á Stöð 2 Sport í dag verða sýndir nokkri raf bestu leikjum úrslitakeppni Domino´s deildar karla ásamt því að við endursýnum Topp 5. Þátt í umsjón Gumma Ben þar sem hann fær leikmenn hér heima til að velja sín uppáhalds fimm mörk á ferlinum.

Þá er hægt að sjá þegar Ríkharð Óskar Guðnason ræðir við þá Hörð Björgvin Magnússon og Arnór Sigurðsson, leikmenn CSKA Moskvu í Rússlandi. Þá eru vel valdir úrslitaleikir Meistaradeildar Evrópu einnig á dagskrá.

Stöð 2 Sport 2

Á Stöð 2 Sport 2 munum við fara yfir yngri flokka mót hér á landi en þættirnir eru í umsjón Gaupa. Fyrsta mót sumarsins fór einmitt fram um helgina en það var VÍS-mót Þróttar. 

Stöð 2 Sport 3

Bestu leikir Olís deilda karla og kvenna verða á dagskrá Stöðvar 2 Sport 3 í dag.

Stöð 2 eSport

Lokaáfangi áskorandamóts Vodafone-deildarinnar, þar sem í ljós kemur hvaða fjögur lið komast á Stórmeistaramót Vodafone-deildarinnar. FH mætir Þór Akureyri kl. 18 og Dusty og BadCompany mætast kl. 21 á seinna kvöldinu í 8 liða úrslitum.

Stöð 2 Golf

Á Stöð 2 Golf verða þættir um hápunkta Opna breska meistaramótsins frá 2015 til 2019 í fyrirrúmi. 

Útsendingar dagsins má finna á heimasíðu Stöðvar 2.