Enn eru þrjú virk kórónuveirusmit hér á landi en ekkert nýtt smit greindist milli daga. Nýtt smit greindist síðast á föstudag.
Samkvæmt tölum á covid.is voru sjö sýni tekin síðasta sólarhringinn.
Alls hafa því 1.807 greinst með kórónuveiruna sem veldur Covid-19 sjúkdómnum hér á landi. 1.794 hafa náð bata en enginn liggur á sjúkrahúsi vegna veirunnar.
803 eru nú í sóttkví og fækkar um 119 milli daga. Alls hafa 62.802 sýni verið tekin og 21.333 hafa lokið sóttkví.
Tíu hafa látist af völdum Covid-19 hér á landi.
