Fundi flug­freyja og Icelandair lokið

Fundi samninganefnda flugfreyja og Icelandair er nú lokið. Hann hófst í húsakynnum ríkissáttasemjara í Borgartúni klukkan 9:30 í morgun. Boðað hefur verið til annars fundar á morgun klukkan hálf tíu.

Samninganefndirnar funduðu einnig á föstudaginn og var sá fundur mun lengri en áætlað var. Aðalsteinn Leifsson ríkissáttasemjari segir í samtali við fréttastofu að kjaradeilan sé einstaklega erfið, þung og flókin en samninganefndirnar hafi komið vel undirbúnar í dag. Í upphafi kjaradeilunnar hafi verið ágreiningur um 50 atriði en þeim hafi nú fækkað.

Fyrir fundinn á föstudaginn hafði lítið gerst í viðræðunum frá því að Flugfreyjufélagið hafnaði svokölluðu lokatilboði flugfélagsins 20. maí síðastliðinn.