Dömuleður­jakkinn féll í grýttan jarð­veg hjá vinum Sóla Hólm

Grínarinn Sólmundur Hólm Sólmundarson var gestur Ásgeirs Kolbeinssonar í þættinum Sjáðu á dögunum og fór hann þar yfir sínar uppáhalds kvikmyndir.

Sólmundur var dyravörður í Regnboganum á sínum tíma og lýsir hann starfinu ágætlega. Sóli segist vera með þannig kvikmyndasmekk að kvikmyndir sem hann horfir á þurfa að geta gerst.

Því horfir hann lítið á myndir sem eru yfirnáttúrulegar. Samt sem áður er The Terminator 2: Judgment Day ein af hans uppáhalds kvikmyndum.

Hann var svo hrifinn að hann eignaðist leðurjakka á sínum tíma til að líkjast Arnold Schwarzenegger. Hann mætti eitt sinn í bíóferð með vinum í leðurjakkanum og fékk misjafnar undirtektir frá vinum sínum. Því varð Sóli í raun að leggja jakkanum.

Hér að neðan má sjá yfirferð Sóla Hólm um hans uppáhalds kvikmyndir.