Eddi­e and­stuttur af mæði er hann heldur á­fram að undir­búa sig fyrir bardagann gegn Fjallinu

Þó að það sé rúmt ár þangað til að Hafþór Júlíus Björnsson og Eddie Hall ætla að berjast í boxhringnum í Las Vegas eru þeir byrjaðir að undirbúa sig og það af krafti.

Kraftajötnarnir hafa verið duglegir að birta myndbönd af sér á YouTube þar sem þeir æfa af fullum krafti og í nýjasta myndbandi Eddie má sjá að hann er kominn í hörku form.

Í myndbandinu er Englendingurinn að taka á því í ræktinni á æfingu með mikilli ákefð þar sem áherslan er að brenna mikið af kaloríum. Hann æfir þar ásamt þjálfara sínum en það má með sanni segja að Eddie er að komast í hörkustand.

Hvort að það sé eitthvað sem Hafþór þarf að hafa áhyggjur af er erfitt að segja til um en Hafþór er sjálfur búinn að undirbúa sig vel. Það er þó nægur tími til stefnu enda bardagann í Las Vegas í september á næsta ári.

Nýjasta myndbandið af æfingu Eddie Halls má sjá hér að neðan.