Fjallið tók á því með pabba sínum og ó­létt unnustan fylgdist með: „Léttari, sneggri og sterkari“

Hafþór Júlíus Björnsson ætlar að skella sér í boxhringinn í september eftir rúmt ár er hann ætlar að berjast við Englendinginn Eddie Hall.

Undirbúningurinn er hafinn og rúmlega það hjá Hafþóri sem hefur verið að skafa af sér kílóin undanfarnar vikur svo hann geti skottast um boxhringinn án þess að höggin dynji á sér.

Hafþór er duglegur að leyfa áhorfendum sínum að fylgjast með sér á samfélagsmiðlinum YouTube en þar er hann með rúmlega 470 þúsund fylgjendur.

Í nýjasta myndbandinu er Hafþór að taka á því ásamt pabba sínum, Birni, í Thor’s Power Gym í Kópavogi en rúmlega þrjátíu mínútna myndband af þeim feðgum má sjá hér að neðan.