Kvöldfréttir Stöðvar 2

Í kvöldfréttum okkar förum við vandlega yfir áhrif þeirra aðgerða sem ráðherrar og sóttvarnaryfirvöld kynntu í dag og hvernig þær munu snerta allt samfélagið. 

Aðgerðirnar koma einstaklega illa við tónlistarmenn sem hafa verið tekjulitlir mánuðum saman og hætta þarf við fjölda viðburða og samkoma sem rúmuðust innan fyrri reglna.

Ef almenningur fer ekki eftir reglunum og hertar aðgerðir bera ekki tilætlaðan árangur segja stjórnvöld að til greina komi að grípa til enn harðari ráðstafana.

Nú þegar fólk verður að bera grímur á ýmsum stöðum frá hádegi á morgun eru þær rifnar út jafnt frá heildsölum sem lausasöluaðilum.

Þetta og margt fleira á samtengdum rásum Bylgjunnar, Stöðvar 2 og Vísis klukkan hálf sjö.