„Kennari, hvað þýðir kynfæri?“

Miss Universe Iceland 2020 fer fram í Hljómahöllinni í Reykjanesbæ 21. ágúst og verður keppnin í beinni útsendingu hér á Vísi. Alþjóðleg dómnefnd velur þar fulltrúa Íslands sem tekur síðan þátt í Miss Universe en ekki hefur verið staðfest hvar eða hvenær sú keppni fer fram. Næstu vikur verður kynning á keppendum hér á Vísi.

Anna Mist Guðmundsdóttir tekur þátt í keppninni.

„Ég er opin, góðhjörtuð og orkumikil. Ég legg mig alla fram við að ná þeim markmiðum sem ég set á mismunandi sviðum. Ásamt því að ávallt gera mitt besta við að koma fram við aðra eins og ég mundi vilja að aðrir kæmu fram við mig,“ segir Anna en hér að neðan er hægt að kynnast henni betur.

Morgunmaturinn?

Hafrar og prótein

Helsta freistingin?

Karamellukleinuhringir

Hvað ertu að hlusta á?

Spænsk/bandarískt popp tónlist og klassísk inn á milli.

Hvað sástu síðast í bíó?

The Shawshank Redemption

Hvaða bók er á náttborðinu?

Stefnur og straumar í siðfræði eftir James Rachels, Þýðandi Jón Á. Kalmansson

Hver er þín fyrirmynd?

Mamma mín, Svetlana Ponkratova af því hún er duglegast og sterkasta kona sem ég þekki.

Hvað ætlar þú að gera í sumarfrínu?

Vinna í 100% starfi á hjúkrunarheimili, taka sumar áfanga í HR og HÍ. Undirbúa mig og taka þátt í Miss Universe Iceland. Ferðast um Ísland og undirbúa mig fyrir fitnesskeppni.

Uppáhaldsmatur?

Nauta Carpaccio og humar

Uppáhaldsdrykkur?

Fyrsti kaffibollinn

Hver er frægasta persónu sem þú hefur hitt?

Ed Sheeran og Romeo Santos

Hvað hræðistu mest?

Lenda í hættulegum eða ógnvekjandi aðstæðum þar sem ég hef enga stjórn á atburðarásinni.

Neyðarlegasta atvik sem þú hefur lent í?

Standa upp í kennslustofu þegar ég var 10 ára og nýkomin til Íslands. Spyrja hátt og skýrt (á minni bjöguðu íslensku), fyrir framan allan bekkinn: Kennari, hvað þýðir kynfæri?

Hverju ertu stoltur af?

Að ná sigri, í tveimur flokkum, á fyrsta fitness móti sem ég tók þátt í á Íslandi.

Hefuru einhvern leyndan hæfileika?

Ég er mjög fljót að læra nýtt tungumál.

Hundar eða kettir?

Hundar

Hvað er það leiðinlegasta sem þú gerir?

Sitja í umferðarteppu.

En það skemmtilegasta?

Dansa og kynnast ólíkum menningum og spennandi áfangastöðum í heiminum.

Hverju vonastu til að Miss Universe skili þér?

Geti verið stökkpallur og vettvangur til að þroskast og vaxa bæði sem manneskja og sterk, sjálfstæð kona. Upplifa nýja hluti og takast á við ólíka áskoranir. Geta verið góð fyrirmynd fyrir yngri kynslóðir.

Hvar sérðu þig eftir 5 ár?

Þá verð ég búinn með masters gráðuna og draumurinn er að stofna mitt eigið fyrirtæki. Læra fleiri tungumál, verða leiðtogi og fyrirmynd. Kaupa fasteign og vonandi ná þessu útópíska heilbrigða- og hamingjusama fjölskyldulífi.