LeBron í nýju Liver­pool treyjunni í Dis­n­ey World

LeBron James er mikill stuðningsmaður nýkrýndra Englandsmeistara Liverpool og það sást á fatavali hans í gær.

LeBron er ásamt öðrum NBA-leikmönnum nú í Disney World en NBA deildin klárast þar. Liðin eru þar á hóteli og spila innan veggja Disney World vegna kórónuveirunnar.

LeBron og félagar í LA Lakers hafa verið í miklu stuði það sem af er leiktíðinni og hafa tryggt sér efsta sætið í vesturdeildinni en þetta er í fyrsta skipti sem það gerist í áratug.

Körfuboltamaðurinn magnaði hefur ekki farið leynt með aðdáun sína á Liverpool. Hann á einnig smá hlut í félaginu.

Hann var mættur í nýja treyju Liverpool er hann var myndaður í Disney World í gær á leið í leik Lakers gegn Oklahoma sem tapaðist.