Jamie Carragher, sparkspekingur Sky Sports og fyrrum leikmaður Liverpool, er eins og flestir aðrir Liverpool-menn himinlifandi með stöðu liðsins.
Liðið er með fjórtán stiga forskot á toppi deildarinnar eftir 1-0 sigur á Tottenham um helgina og þar að auki á liðið einn leik til góða.
Carragher: Liverpool are not buying superstars they are making them.https://t.co/x9fMeAGJUL
— The Liverpool Way (@theliverpoolway) January 12, 2020
Carragher segir að innkaupastefna Liverpol undanfarin ár geri árangurinn enn áhugaverðari.
„Það er ekki eins og Liverpool sé að kaupa leikmenn sem eru með einhverja sérstaka hæfileika sem enginn annar sá,“ sagði Carragher við Sky Sports.
„Robertson kom frá Hull, Wijnaldum féll með Newcastle, Salah hafði verið í Chelsea, Mane hafði verið í deildinni. Þeir eru ekki að fara í bestu félögin í heimi og kaupa bestu leikmennina.“
„Það er allt í lagi að kaupa leikmenn en það skiptir máli hvað þú gerir við þá. Stundum gleymum við því. Þegar þú færð leikmann þarftu að bæta þá og ég held að Jurgen Klopp fái ekki alltaf það hrós sem hann á skilið.“
„Liverpool er ekki að kaupa súperstjörnur heldur búa þær til,“ sagði Carragher.
Jamie Carragher on buying players
— Football Daily (@footballdaily) January 11, 2020
"Liverpool arent buying superstars they're making them superstars" pic.twitter.com/qEM4hETM1i
