Í beinni í dag: Leeds, Ron­aldo og tví­höfði í Olís-deildinni

Það er rosaleg dagskrá á Stöð 2 Sport í dag og allt fram á kvöld. Alls eru ellefu beinar útsendingar á dagskránni í dag.

Dagurinn hefst með slag í ensku B-deildinni en dagurinn bíður ekki bara upp á enskan fótbolta því einnig verður boðið upp á spænskan og ítalskan fótbolta.

Cristiano Ronaldo og hans menn mæta Hellas Verona á heimavelli en sjóðheitur Ronaldo hefur skorað í níu leikjum í röð.

Stuðningsmenn Leeds fá eitthvað fyrir sinn snúð en þeirra menn, sem hafa heldur betur fatast flugið, mæta Nottingham Forest. Flautað til leiks 17.30.

Það verður svo tvíhöfði úr KA-heimilinu í Olís-deildunum. Fyrri leikurinn milli KA/Þór og Fram í Olís-deild kvenna en sá síðari í karlaboltanum þegar Íslandsmeistarar Selfoss koma í heimsókn.

Tvö hetustu liðin í Dominos-deild kvenna, Íslandsmeistarar Vals og Haukar, mætast í Origo-höllinni í stórleik umferðarinnar í Dominos-deild kvenna.

Tvö golfmót fara svo fram í dag og nótt; AT&T Pebble Beach Pro-Am og ISPS Handa Vic Open.

Allar beinu útsendingar næstu daga má sjá hér.

Beinar útsendingar dagsins:

12.25 Wigan - Preston North End (Stöð 2 Sport)

13.50 Fiorentina - Atalanta (Stöð 2 Sport 4)

14.25 KA/Þór - Fram (Stöð 2 Sport)

14.50 Getafe - Valencia (Stöð 2 Sport 2)

15.50 Haukar - Valur (Stöð 2 Sport 3)

16.50 KA - Selfoss (Stöð 2 Sport)

17.25 Nottingham Forest - Leeds (Stöð 2 Sport 2)

18.00 AT&T Pebble Beach Pro-Am (Stöð 2 Golf)

19.40 Hellas Verona - Juventus (Stöð 2 Sport)

19.55 Atletico Madrid - Granada (Stöð 2 Sport)

01.30 ISPS Handa Vic Open (Stöð 2 Golf)