Kvöldfréttir Stöðvar 2

Sóttvarnarlæknir bætti í dag við fleiri löndum á áhættulista vegna kórónuveirunnar og fleiri þurfa því að fara í sóttkví eftir komuna til landsins. Þeir sem finna fyrir einkennum og eru enn í útlöndum eru beðnir um að fresta heimkomu. Fjallað verður um blaðamannafundinn sem haldinn var vegna kórónuveirunnar í kvöldfréttum Stöðvar 2.

Einnig verður fjallað áfram um verkfall Eflingar en þreytu gætir meðal félagsmanna sem vilja að gengið verði til samning svo þeir geti mætt til vinnu aftur.

Farið verður yfir feril Ragga Bjarna, eins ástsælasta listamanns landsins, en hann lést í gærkvöldi á líknardeild Landspítalans 85 ára að aldri.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis kl. 18:30