Bein út­sending: Ný­sköpunar­verð­laun Ís­lands

Nýsköpunarverðlaun Íslands verða veitt í Hörpu klukkan 11 og verður athöfnin í beinni útsendingu hér á Vísi.

Nýsköpunarverðlaun Íslands eru veitt af Rannís, Íslandsstofu, Nýsköpunarmiðstöð og Nýsköpunarsjóði til fyrirtækja sem þykja hafa skarað fram úr í þróun nýrrar vöru eða þjónustu, sem byggð er á rannsóknar- og vísindastarfi og náð hefur árangri á markaði. Tilgangur verðlaunanna, sem voru fyrst veitt árið 1994, er að vekja athygli á þeim mikilvægu tengslum sem eru á milli rannsókna og þekkingaröflunar og aukinnar verðmætasköpunar í atvinnulífinu.

Fyrirtækin skoðuð frá öllum hliðum

Nýsköpunarverðlaunin voru fyrst veitt árið 1994 á Nýsköpunarþingi og er tilgangur þeirra að vekja athygli á þeim mikilvægu tengslum sem eru á milli aukinnar verðmætasköpunar í atvinnulífinu og rannsókna og þekkingaröflunar.

Við val á verðlaunahafa er litið til þess hvort um sé að ræða nýtt sprotafyrirtæki, hvort það sé byggt á nýskapandi tækni og hugmynd og sé kröfuhart á þekkingu. Þá er lagt mat á virðisauka afurða og hvort fyrirtækið hafi náð árangri á markaði. Metið er hvort líkur séu á að fyrirtækið haldi velli og hvort stjórnun nýsköpunar sé til eftirbreytni. Að lokum er metið hvort fyrirtækið sé hvatning fyrir aðra að feta sömu slóð.

Fyrri verðlaunahafar

• 2019 Curio 
• 2018 Kerecis 
•  2017 Skaginn 
• 2016 Dohop 
• 2015 Zymetech 
• 2014 Meniga 
• 2013 Valka 
• 2012 Primex 
• 2011 Mentor
• 2010 Nox Medical 
• 2009 Mentis Cura
• 2008 ORF líftækni 
• 2007 Hafmynd ehf.
• 2006 Stjörnu-Oddi 
• 2005 CCP
• 2004 Lyfjaþróun 
• 2003 Altech JHM
• 2002 Stofnfiskur 
• 2001 Fiskeldi Eyjafjarðar
• 2000 Bláa lónið 
• 1999 Flaga
• 1998 Íslensk erfðagreining 
• 1997 Hugvit
• 1994 Vaki fiskeldiskerfi