Lýsir eftir grárri Mercedes Benz-bifreið

Lögreglan á höfuðborgarsvæðinu lýsir eftir grárri Mercedes Benz-bifreið árgerð 2008 með bílnúmerinu TN-L25. Síðast var vitað um bifreiðina í Mosfellsbæ klukkan tvö í nótt.

Í tilkynningu sem lögreglan sendi fjölmiðlum kemur enn fremur fram að beygla sé aftan á hægri afturhorni bifreiðarinnar. Ekki kemur fram hvers vegna lýst er eftir bifreiðinni.

Þeir sem geta gefið upplýsingar um ferðir bifreiðarinnar eftir þann tíma eru vinsamlega beðnir um að hafa samband við lögreglu í síma 112.

Uppfært 8:28 Aðeins nokkrum mínútum eftir að tilkynning lögreglu var send fjölmiðlum barst önnur tilkynning um að bifreiðin væri fundin.