Williams vinnur að raf-snekkju

Um er að ræða 400 kWh kerfi sem notar litíum-brennisteins rafhlöður sem eru samkvæmt Williams öruggari til notkunar á sjó en þær sem alla jafna má finna í rafknúnum farartækjum.

Willimas hefur gefið út að rafhlöðurnar séu afar afkastamiklar og miðað við allt, frekar ódýrar í framleiðslu.

Williams vinnur að verkefninu í samstarfi við OXIS Energy. Tækni Oxis, að notast við litíum-brennisteins rafhlöður þýðir að engin fágæt efni eru notuð.

Kerfið verður sett í 40 feta snekkju sem er framleidd af Yachts de Luxs í Singapúr. Drægnin verður um 70-100 sjómílur en hleðslutími er ekki uppgefinn.

Williams er nú þegar að þjónusta Formúlu E með rafhlöður og mun frá og með næsta ári skaffa Extreme E aflrás, ásamt því að skaffa rafhlöður í PURE ETCR mótaröðina.