Kynlífstæki í felubúningi rata í jólapakkana

„Við eigum mikið af spennandi vörum í jólapakkann. Kynlífstæki sem líta út eins og skartgripir eru til dæmis afar vinsæl í gjafir,“ segir Saga Lluvia annar eigandi kynlífstækjabúðarinnar Losti en Losti.is er Vefverslun vikunnar á Vísi.

„Við eigum til dæmis fallegt hálsmen sem er lítill titrari og annað sem er svipa. Svo er fallegur gullhringur mjög vinsæll en hann er líka titrari. Mörgum finnst spennandi að ganga með skartgripina, alltaf til í tuskið,“ segir Saga. 

„Ef fólk vill senda gjöf til vinar, vinkonu eða leikfélaga þá bjóðum við upp á að pakka gjöfinni inn og útbúa kveðju til viðkomandi á fallegt kort. Við sendum heim samdægurs á höfuðborgarsvæðinu og allt í ómerktum umbúðum,“ segir Saga. Íslendingar séu duglegir að krydda kynlífið með aukahlutum og sem betur fer sé feimni á undanhaldi.

„Það er meira tjáningarfrelsi í dag og fólk er óhrætt að bæta við tæki í kynlífið. Pör koma oft í búðina að velja sér eitthvað skemmtilegt saman. Kynslóðin sem er að vaxa úr grasi núna er miklu opnari og ræðir þessa hluti opinskátt í vinahópnum eða inni á heimilinu.“

„Vörurnar eru afar fjölbreyttar og hönnunin fáguð en við eigum allan skalann. Við eigum titrara sem líta út eins og fallegur penni en svo vilja aðrir titrara sem lítur út eins og typpi og við eigum þá að sjálfsögðu líka,“ segir Saga. Hún segir undirföt og búninga líka stórsniðuga jólagjöf.

„Sexí undirföt eru alltaf skemmtileg og gera ótrúlega mikið fyrir sjálfstraustið og skartgripirnir gera það líka. Það eykur útgeislun að vera í einhverju eða bera eitthvað um hálsinn sem gerir þig að kynveru. Við erum nýbúnar að bæta undirfötum við vöruúrvalið og eigum líka mjög flotta búninga,“ segir Saga en vöruúrvalið hefur aukist gríðarlega frá því verslunin var opnuð.

„Vöruúrvalið hefur þrefaldast frá því við opnuðum búðina síðasta haust og við bætum stöðugt við. Við vöndum virkilega valið, ekki bara varðandi gæði heldur einnig til að við getum þjónustað alla hópa, öll kyn. Okkur hefur verið tekið frábærlega vel frá fyrsta degi. Það vantaði greinilega svona verslun í flóruna. Nú getum við ekki beðið eftir að þetta covid ástand batni svo við getum farið að halda viðburði og fræðslukvöld í búðinni. Það fer vonandi á fullt á nýju ári.“